Ինչպես միշտ կրթահամալիրում յուրաքանչյուր ուսումնական տարին շատ արագ և հագեցած է անցնում: Անելիքներն այնքան շատ են լինում, որ շունչ քաշելու ժամանակ չի լինում: Բոլորս անընդմեջ աշխատում ենք ու աշխատում: Չէի ուզենա առանձնացնել մեր աշխատանքն ըստ ուսումնական տարիների, քանի որ աշխատանքն անընդհատ է կատարվում՝ առանց դադարների, շարունակական, լի նորանոր անելիքներով:
Անդրադառնամ 2013-2014 ուստարվա կարևոր ձեռքբերումներին: Ուսումնական տարին շատ բուռն սկսվեց:
- Առաջին ձեռքբերումը դա առանց պատերի դասասենյակներն էին: Նույնիսկ սեպտեմբեր ամսին ընդհանրապես դասասենյակներն իրարից բաժանող ոչինչ չկար, իսկ հետո ավելացան թափանցիկ պատերը:Մեծ ձեռքբերում եմ համարում մեր ուսուցիչների և սովորողների այդքան հարմարվող, փոփոխութուններին, նորամուծություններին կողմ լինող տեսակը, որ կարողացան այդքան արագ սովորել այս նոր միջավայրում:
- Բացի կազմակերպչի աշխատանքները կատարելուց, այս տարի նաև արվեստ առարկան դասավանդեցի, բայց ընտրեցինք դասավանդման նոր տարբերակ: Սովորողների հետ արվեստի դասերն անցկացրեցինք թանգարաններում, պատկերասրահներում, թատրոններում, կինոթատրոններում և այլ պատմամշակութային վայրերում: Իհարկե այս դասավանդման ձևն իր դրական արդյունքը ստացավ: Սովորողները ստացան տեսական գիտելիքներ, որն ավելի մնայուն կդառնա իրենց համար:
- Հաջորդ կարևոր ձեռքբերումը դա «Մեր բակը՝ պարտեզ » նախագծի իրականացումն եմ համարում: Վերջապես այս տարի մեր կատարած աշխատանքն իր արդյունքը տվեց. բացվեցին մեր վարդաստանի վարդերը, և կրթահամալիրի մուտքը մի նոր շունչ ստացավ: Այս տարի բակային աշխատանքներն ավելի արդյունավետ եղան: Սովորողները նոր հմտություններ ձեռք բերեցին՝ կարողացան ճիշտ էտել վարդերը, խոտհունձի մեքենան աշխատեցնել, նոր ծառեր, թփեր տնկել, դրանք խնամել:
- Կրթահամալիրի հաջողություններից կուզենայի առանձնացնել նաև ճամբարների էլ ավելի հաճախակի կազմակերպումը:Այս տարի ճամբարներին էլ ավելի մեծ թվով ուսուցիչներ և սովորղներ մասնակցեցին:
- Կարևոր ձեռքբերում է «Սեբաստացիներ» ուսուցչական երգչախմբի գործունեությունը: Լինելով երգչախմբի անդամ՝ մեծ սիրով ու պատասխանատվությամբ եմ մասնակցում երգչախմբի պարապմունքներին, կենսամշակութային արշավներին: Այս տարի երգչախումբն ելույթներով հանդես եկավ Հայաստանի տարբեր վայրերում, մեր երգը հնչեց գործող և խոնարհված եկեղեցիներում:Բայց կուզենայի առանձնացնել երեք բեմեր, քանի որ իսկապես բեմ դուրս եկանք և ամենայն պատասխանատվությամբ և հուզումնախառը զգացումներով ելույթ ունեցանք մեծ թվով հանդիսատեսի առջև: Դրանք էին՝ Երևանի կամերային երաժշտության տունը,Ստեփանավանի մշակույթի տունը, Առնո Բաբաջանյան համերգասրահը: Բայց երգչախմբի բոլոր անդամներիս համար կարևոր վայրը դա մեր եկեղեցիներում երգելն է: Հպարտ եմ, որ երգում եմ մաեստրո Հարություն Թոփիկյանի ղեկավարած «Սեբաստացիներ» երգչախմբում:
- Կրթահամալիրի ձեռքբերումներից է շարունակում մնալ «Դպիր»Էլեկտրոնային ամսագիրը, որի գլախվոր խմբագիրն է Սուսան Մարկոսյանը: Ամսագրում ներկայացված են դասավանդողների հոդվածները, մանակավարժական թարգմանություններ, մեթոդական մշակումներ և այլն:
- Արդեն չորրորդ տարին է, որ կրթահամալիրը մասնակցում է Իզմիրի տիեզերագիտական միջազգային ճամբարին, որին մասնակցում են աշխարհի ավելի քան 140 երկրներ՝ այդ թվում Հայաստանը:Սա ևս մեծ ձեռքբերում եմ համարում:
Անդրադառնամ գործընկերներիս հաջողություններին:
- Գործընկերներիս հաջողություններից կուզենայի առանձնացնել Մերի Առաքելյանին՝ իր համերգներով:Մեր երաժշտագետ Մերի Առաքելյանն ամեն անգամ մեզ հպարտանալու առիթ է տալիս: Թե կրթահամալիրային, թե այլ համերգներ կազմակերպելիս և վարելիս մեզ դրական լիցքեր է հաղորդում:
- Նշեմ նաև Լուսինե Սարգսյանի կատարած աշխատանքը, ով կարողացավ սովորղների հետ բակային աշխատանքները կազմակերպել, ղեկավարել սովորողների աշխատանքը:
- Կառանձնացնեի նաև իմ գործընկերներից Լուսինե Բուշին, Նունե Մովսիսյանին, Նվարդ Սարգսյանին և Հերմինե Անտոնյանին, ովքեր ոչ միայն դասավանդում են, այլև վերապատրաստում են այլ դպրոցներում աշխատող ուսուցիչներին և իրենց կարողությունները, հմտություները փոխանցում ուրիշներին:
- Կարևոր եմ համարում նաև տիար Աշոտ Տիգրանյանի և Հասմիկ Թոփչյանի կատարած աշխատանքը սովորողների հետ: Ամեն անգամ տեսնում եմ , թե ինչպես են սովորղներն ոգևորությամբ մասնակցում նրանց կողմից իրականացվող նախագծերին:
- Կուզենայի առանձնացել այն փաստը, որ կրթահամալիրում ցանկացած նորամուծություն առաջինն իրականացվում է Միջին դպրոցում, ինչն իրագործելի է դառնում Միջին դպրոցի ծրագրի ղեկավար Մարիետ Սիմոնյանի անաչառ, պատասխանատու, բարեխիղճ, հետևողական աշխատանքի շնորհիվ :
- Դե իհարկե կարևոր ձեռքերումը դա կրթահամալիրի տնօրենի՝ տիար Բլեյանի կատարած աշխատանքն է, ով թե’ հեռուստաընկերություններով, թե’ այցերով, թե’ տեղեկատվական թերթիկների միջոցով, թե’ իր նոր բլոգով հանրությանն իրազեկ է դարձնում մեր կրթահամալիրի գործունեության մասին:
Կրթահամալիրն անընդհատ զարգացող և աճող օրգանիզմ է:Ամեն օր կարելի է արձանագրել մի նոր ձեռքբերում, որը մենք նույնիսկ կարող ենք չնկատել, դա ավելի ակնառու է կրթահամալիրից դուրս գտնվողների համար:
Շամիրամ Պողոսյան
Շամիրամ Պողոսյան 