Գտնվում էր Շահարում: Խորհրդային իշխանության որոշմամբ 30-ականների սկզբին հիմնովին ավերվել է, և նրա տեղը կառուցել են <<Մոսկվա>>կինոթատրոնը: Սբ. Պողոս-Պետրոս եկեղեցին, ըստ որոշ տվյալների, Երևանի հնագույն եկեղեցիներից էր՝ կառուցված V-VIդդ.` հնի մնացորդների վրա: Այն վերստին կառուցվել է 1679թ. երկրաշարժից հետո, ամենայն հավանականությամբ` XVII դարավերջին:
Category: Եկեղեցիներ
Գեթսեմանի մատուռ (հիմնահատակ քանդված)
Գտնվում էր Երևանի Շահար թաղամասի կենտրոնում. այնտեղ, որտեղ կառուցվել է օպերայի և բալետի ազգային ակադեմիական թատրոնի շենքը։
Սբ. Գրիգոր Լուսավորիչ եկեղեցի (հիմնահատակ քանդված)
Գտնվել է քաղաքի կենտրոնական մասում` ներկայիս Ամիրյան փողոցում՝ Ե. Չարենցի անվան դպրոցի տեղում։ Այն Երևանի ամենաուշ կառուցված եկեղեցիներից էր։ Եկեղեցին հիմնադրվել է 1869թ., սակայն տարբեր պատճառներով շինարարությունն ընթացել է ընդմիջումներով և ավարտվել 1900թ.: Երկու տարի անց արևելյան կողմից կցակառուցվել է վերասլաց ծավալով մի զանգաշտարակ։ Ըստ դրա վրայի արձանագրությունների` եկեղեցին կառուցվել է երևանցի Գրիգոր Ղազարյանի, զանգաշտարակը՝ Գևորգ Տեր-Սահակյանի նվիրատվությունների հաշվին։ Տուֆակերտ գմբեթավոր եկեղեցին քանդվել է 1940-ականների վերջին:
Սուրբ Երրորդություն եկեղեցի
Երևանի Անդրանիկի թաղամասի Ս. Երրորդություն նորակառույց եկեղեցու շինարարությունն սկսվել է 2001թ. մարտին: Կառուցվել է երջանկահիշատակ ճարտարապետ Բաղդասար Արզումանյանի նախագծով և ամերիկահայ ազգային բարերար Լուիզ Սիմոն Մանուկյանի ֆինանսական աջակցությամբ:
Ն.Ս.Օ.Տ.Տ Գարեգին Երկրորդ Ամենայն հայոց հայրապետի ձեռամբ 2005թ. նոյեմբերի 20-ին կատարվեց Ս. Երրորդություն եկեղեցու օծման արարողությունը:
Սուրբ Խաչ եկեղեցի
Ներքին Չարբախում բնակիչները մտահոգ էին, որ իրենց տարածքում եկեղեցի չունեն: Եկեղեցի կառուցելու համար Երևանի քաղաքապետարանի որոշմամբ հատուկ տեղ հատկացվեց: 1996թ. ճարտարապետ Հրաչ Գասպարյանի նախագծով սկսվեց Սուրբ Խաչ եկեղեցու շինարարությունը: Տասը տարի անց՝ 2006թ. հոկտեմբերին, ավարտվեցին եկեղեցու շինարարական ու հարդարման աշխատանքները: Ավանդական ճարտարապետական ոճ ունեցող Սուրբ Խաչ եկեղեցին գմբեթավոր է: Սրահի երկու կողմում ավանդատներ են: Սբ. խորանում տեղադրված է Վարդգես Սուրենյանցի հայտնի գեղանկարը: Եկեղեցու կառուցման նախաձեռնողն ու իրականացնողը համայնքի բնակիչ Խաչատուր Վարդանյանն է: