Ամռանը Թուրքիայի Իզմիր քաղաքում ՆԱՍԱ-ի ծրագրով կազմակերպվում է ամենամյա միջազգային տիեզերական ճամբար [1]: «Կրթասեր» ՀԿ-ն, «Մխիթար Սեբաստացի» կրթահամալիրի «Տիեզերք» ակումբը ստացել են 2014թ. ճամբարի հրավերը և սկսել է մասնակից սովորողների ընտրությունը։
Մասնակիցներն ընտրվում են մրցութային կարգով: Մրցույթին կարող են մասնակցել 7-11-րդ դասարանի սովորողները, ովքեր հետաքրքրվում են տիեզերագիտությամբ, տիրապետում են անգլերենին և պատրաստ են ներկայացնելու կրթահամալիրն ու Հայաստանը միջազգային տիեզերական ճամբարին։
Մրցույթին մասնակցելու համար մինչև 2014թ. հունիսի 1-ը սովորողը a.zargaryan@mskh.am էլ. փոստին պետք է ուղարկի «Ինչու եմ ուզում մասնակցել Իզմիրի տիեզերական ճամբարին» վերնագրով անգլերեն շարադրություն` մեկ էլեկտրոնային էջի սահմանում:
Մրցույթի պայմաններն են.
- «Տիեզերք» ակումբի պարապմունքներին և նախագծերին մասնակցություն
- Անգլերենի ու թուրքերենի դասընթացների մասնակցություն
- Ուսումնական անհատական բլոգում նախապատրաստական աշխատանքի լուսաբանում
Ճամբարական սովորողները կընտրվեն «Տիեզերք» ակումբի, անգլերենի և թուրքերենի դասընթացների արդյունքներով։
[1] Կրթահամալիրի սովորողները2011, 2012, 2013թթ մասնակցել են Թուրքիայի Իզմիր քաղաքում կազմակերպվող միջազգային տիեզերական ճամբարին։
Շամիրամ Պողոսյան 